ਬੌਰੀ ਮੈਮੋਰੀਅਲ ਐਜੂਕੇਸ਼ਨਲ ਐਂਡ ਮੈਡੀਕਲ ਟਰੱਸਟ ਦੁਆਰਾ ਸੰਚਾਲਿਤ ਦਿਸ਼ਾ— ਇੱਕ ਪਹਿਲ ਦੇ ਅਧੀਨ ‘ਵਿਜ਼ਨ ਕਮਲੇਸ਼’ ਪ੍ਰੋਜੈਕਟ ਦੇ ਤਹਿਤ ਮੁਫ਼ਤ ਮੋਤੀਆ ਬਿੰਦ ਸਰਜਰੀ ਕੈਂਪ*
ਜਲੰਧਰ (ਦਾ ਮਿਰਰ ਪੰਜਾਬ)-ਬੌਰੀ ਮੈਮੋਰੀਅਲ ਐਜੂਕੇਸ਼ਨਲ ਐਂਡ ਮੈਡੀਕਲ ਟਰੱਸਟ ਦੇ ਦਿਸ਼ਾ— ਨਿਰਦੇਸ਼ਾਂ ਦੇ ਅਧੀਨ 73 ਸ਼ਹੀਦ ਊਧਮ ਸਿੰਘ ਨਗਰ ਸਥਿਤ ਇੰਨੋਸੈਂਟ ਹਾਰਟਸ ਆਈ ਸੈਂਟਰ ਦੁਆਰਾ ਫ੍ਰੀ ਮੋਤੀਆ ਬਿੰਦ ਸਰਜਰੀ ਕੈਂਪ ਦਾ ਆਯੋਜਨ ਕੀਤਾ ਗਿਆ।ਇਸ ਕੈਂਪ ਦਾ ਆਯੋਜਨ ਡਾ. ਰੋਹਨ ਬੋਰੀ (ਐੱਮਐੱਸ ਆਪਥੈਲਮੋਲੋਜੀ,ਐੱਫਪੀਆਰਐੱਸਫਾਕੋ ਰਿਫਰੈਕਟਿਵ ਸਰਜਨ, ਮੈਡੀਕਲ ਰੈਟੀਨਾ ਸਪੈਸ਼ਲਿਸਟ) ਦੀ ਅਗਵਾਈ ਵਿੱਚ ਕੀਤਾ ਗਿਆ।ਇਸ ਕੈਂਪ ਦਾ ਆਯੋਜਨ ‘ਵਿਜ਼ਨ ਕਮਲੇਸ਼’ ਪ੍ਰੋਜੈਕਟ ਦੇ ਅਧੀਨ ਟਰੱਸਟ ਦੁਆਰਾ ਗੋਦ ਲਏ ਗਏ 40 ਪਿੰਡਾਂ ਵਿਚੋਂ ਇੱਕ ਪਿੰਡ ‘ਰਾਮਪੁਰ ਲੱਲੀਆਂ’ ਵਿੱਚ ਕੀਤਾ ਗਿਆ। ਡਾ. ਰੋਹਨ ਬੌਰੀ ਅਤੇ ਉਨ੍ਹਾਂ ਦੀ ਟੀਮ ਨੇ ਤਕਰੀਬਨ 200 ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ। ਉਨ੍ਹਾਂ ਦੀ ਉੱਚਿਤ ਜਾਂਚ ਦੇ ਬਾਅਦ ਉਨ੍ਹਾਂ ਨੂੰ ਸਰਜਰੀ ਦੇ ਲਈ ‘ਇੰਨੋਸੈਂਟ ਹਾਰਟਸ ਆਈ ਸੈਂਟਰ’ ਪਹੁੰਚਾਉਣ ਦੇ ਲਈ ਵਾਹਨ ਪ੍ਰਦਾਨ ਕੀਤੇ ਗਏ। ਸਰਜਰੀ ਤੋਂ ਪਹਿਲਾਂ ਉਨ੍ਹਾਂ ਨੂੰ ਖਾਣਾ ਵੀ ਮੁਹੱਈਆ ਕਰਵਾਇਆ ਗਿਆ। ਸਰਜਰੀ ਦੇ ਨਾਲ-ਨਾਲ ਸਰਜਰੀ ਦੇ ਬਾਅਦ ਦੇ ਲਈ ਸਾਰੀਆਂ ਦਵਾਈਆਂ ਵੀ ਉਪਲੱਬਧ ਕਰਵਾਈਆਂ ਗਈਆਂ।
ਡਾ. ਪਲਕ ਬੌਰੀ (ਡਾਇਰੈਕਟਰ ਸੀਐੱਸਆਰ) ਨੇ ਦੱਸਿਆ ਕਿ ਇਹ ਕੈਂਪ ਪੂਰੀ ਤਰ੍ਹਾਂ ਨਾਲ ਮੁਫ਼ਤ ਸੀ। ਅਗਲੇ ਦਿਨ ਰੋਗੀਆਂ ਨੂੰ ਫਾਲੋ-ਅੱਪ ਦੇ ਲਈ ਹਸਪਤਾਲ ਲਿਆਉਣ ਦਾ ਪ੍ਰਬੰਧ ਵੀ ਕੀਤਾ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਭਵਿੱਖ ਦੇ ਵਿੱਚ ਇਨ੍ਹਾਂ ਪਹਿਲੇ ਤੋਂ ਗੋਦ ਲਏ ਹੋਏ ਪਿੰਡਾਂ ਵਿੱਚ ਨਾ ਕੇਵਲ ਅੱਖਾਂ ਦੇ ਲਈ ਬਲਕਿ ਹੋਰ ਸਿਹਤ ਸਮੱਸਿਆਵਾਂ ਦੇ ਲਈ ਵੀ ਇਸ ਤਰ੍ਹਾਂ ਦੇ ਕੈਂਪ ਸਮੇਂ-ਸਮੇਂ ‘ਤੇ ਆਯੋਜਿਤ ਕੀਤੇ ਜਾਣਗੇ।
ਬੌਰੀ ਮੈਮੋਰੀਅਲ ਟਰੱਸਟ ਨੇ ਸਮਾਜ ਦੀ ਸੇਵਾ ਦੇ ਲਈ ਹਮੇਸ਼ਾ ਅੱਗੇ ਕਦਮ ਵਧਾਇਆ ਹੈ।
Comments
Post a Comment